Advisor Ikuto Zhimomi-i Coffee Washing Station ana semzüktsü

Dimapur, Metsüremi/March 15 (TYO): Advisor, Land Resources, G. Ikuto Zhimomi-i March 15, 2024 nü coffee washing station ana semzükja liasü.

Mezüngbuba nung pai High Court Tsiesema, Kohima anasa Naga Tribal Coffee nung ka semzüktsü.

Iba sentong nung jembidang Advisor-i business tila nungi tenzüktsü nüngdakba indang shia liasü. Coffee business startups atema plantation menüngdaker, ta pai ashi.

State nung coffee entrepreneurs tulu toku lir aser ana dang pei indang plantations lir, ta pai ashi aser global market nung Nagaland coffee ajanga takok anguba indanga jembia liasü.

Küm ishika tsüngta coffee indang market value ya sen crore 236 shi akumtsü, anungji zünger mapa mangu aliba lanurtemi business temulung agüja inyaktsüla, ta Advisor-i ayongzük.

Iba sentong nung Director, Land Resources Department, Albert Ngullie menden liasü aser P. O, V. Vikugha Sema-i melepzüng o jembi.

Maneni kasa anogo Advisor Ikuto Zhimomi-isa YES Agro Park, Gariphema Kohima nung coffee washing station ka semzükja liasü. Project anaprong ya North East Council (NEC) ajanga senotsü teyari agüja amenokba alitsü.

Iba sentong nung jembidang, iba facility ngutetba atema Gariphema Village ya tia takatiba yimtsü ka lir ta ashi.

Aluyimer tenüng nung pai Commissioner & Secretary aser Department nung ketdangsürtemi meranga inyakba atema pelaba lemsatepa liasü.

Chief Minister Neiphiu Rio lenisüba kübok sorkari aluyimer nem temulung agüja Agri nung amenoka aliba machinery balala amenoker, ta Advisor Ikuto-i ashi.

Alima nung sen timtiba yokzükba crops tem rongnung coffee ya ka lir, aser state sorkari coffee tsünür nem temulung agütsür, kechiaser alima nung market avenue jenti lir, ta ashi.

Ajidang masü Nagaland nung organic coffee adoker, kong chemical mesüra pesticides mali, ta pai ashi.

Pai aluyimer tem dang meranga inyaktsü aser coffee tajung züsentettsü ayongzük.

Iba sentong nung Director, Land Resources Department, Albert Ngullie menden liasü aser teyari angurtem tenüng nung Vibeilietuo Kets-i o tatsüka jembi, Keduolhoukho Kire-i temeja ken ka aten aser Dr. Menuosietuo Tseikha-i melepzüng o jembia liasü.