Advisor Imnatiba-i medical osettem lemtsü

Dimapur, Rongchii/April 4 (TYO): Advisor Industries & Commerce, Labour & Employment, Skill Development & Entrepreneurship Imnatiba-i April 4, 2020 nü par constituency; 22 A/C Arkakong semdangogo.
Pai 22 A/C kübok yimtsüng 9 aser kiyong 11 kübok kibong ajak nem relief osettem, yimtsüng ajak nem sanitizer, villages council züngsem ajak nem mask aser Community Health Center Changtongya aser par constituency kübok sub-center 4 nem mozü agütsüogo. Item osettem ya SDO (C) Changtongya Moakunzuk Tzudir-i agizüka liasü. Paisa, Community Health Center Changtongya semdang aser mozü tenla agütsü koba senior medical officer Dr. Jungshi-i agizük.
CHC semdangba mapang Covid-19 taskforce aser SDO (C) Changtongya kübok stakeholder tem ajaki jenjang tajung agiba atema pai parnok nem tenüngsang agütsü. Paisa, Covit-19 anema nokdakba mapang nüburtem nem tangazükba shidak agütsütsü asoshi ajungshia liasü.