Advisor Imnatiba-i Smriti Irani den ajurutep

Dimapur, Rongchii (April) 13 (TYO): Rongchii (April) 12, 2018 nü Industries & Commerce Advisor, Imnatiba den General Secy. NPP, Nagaland, Sasank Ghatraj aser IPR Secy. NPP, Lima Longkumer nungertemi Union Minister of Textiles and Information & Broadcasting Smriti Zubin Irani den ajurutep.
Iba mapang parnoki Smriti Irani dang Nagaland nung Aadhaar maparen ano metembangba ajanga beneficiary ajak sendakteptsü mekoki lir ta khuret lemsatep.
Advisor Imnatiba-i Union Minister Irani dang Ministerial Schemes nungi senotsü shitak manguba indang khuret lemsatep aser Nagaland nung Handloom & Handicraft sector dak sendakba maparen nung temulung agütsütsü atema mepishi.
Iba mapang Minister Irani-i tebilemtsütem pelashishia agizük aser tekaratiba nung mapa inyaktsü nangzük.