Advisor Noke-i Union Minister tem den ajurutep

Dimapur, Mongputeni (October) 3 (TYO): Social Welfare, Home Guards & Civil Defence Advisor Noke Wangnao-i anir department ketdangsertemi Union Minister for Women & Child Development Smti. Maneka Gandhi den ajurutep.
October 3, 2018 nü New Delhi nung Maneka den ajurutepdang advisor Noke-i Nagaland nung child adoption centres, destitute children rehabilitation centre, old age home amala lapoktsü atema tebilemba metetdaktsü.
Iba atema Union Minister-i Nagaland state yimtiba nung master plan project ka atema sen agütsütsü nangzük.
Laisa state sorkar dang child adoption centre, destitute children, old age home, molestation mesüra rape victim centre indang DPR ka yoktsü atema ashi.
Tanü Advisor Noke den ketdangsertemi Shastri Bhawan, New Delhi nung Union Minister for Social Justice and Empowerment Thaawarchand Gehlot den ajurutep.
Idangji Noke-i Union Minister dang pa ministry kübok central assistance talila agütsütsü atema mepishi aser Minister-ia teyari agütsütsü nangzük.
Union Minister Gehlot-i February 2019 meta Nagaland semdangtsü akok ta osang metetdaktsü aser idangji Advisor Noke-i pelashishia agizüker ta ashi.