Advisor Toshi Wungtong-i SCERT semdang

Dimapur, Rogchii (April) 10 (TYO): Rongchii (April) 10, 2018 nü SCERT indang Directorate nung tejak shiyutepba senden ka amendang SCERT Director, T. Sekhose-i SCERT, IPR & Village Guards indang Advisor Toshi Wungtong pela agizük.
Iba senden nung o jembidang Toshi-i lokti ka yanglutsü atema education-i tongtipang shilem agir, anungji SCERT department aser district 11 prongla atema education ji tongtipang südaktsütsüla, ta ashi.
Tanü Naga nungertem education ajanga tejakleni odaktsütsü, anungji department-i lokti renlokdaktsütsü atema tayongzükbatem agizüka inyaktsüla, ta paisa ayongzük.
Rongsen tulutibaji tekolok shisatsü lir, kechiyong iba ajanga nisungtem dang sayuteter, jenjang ketdaksür aser tajung bilemer, ta Advisor-isa ashi.
Toshi-isa loktiliba nung temelenshi bener arutsü atema department den külemi inyaktsü jangar ta metetdaktsü.