Advisor, Wungtung-i Hipfest semzüktsü

Kisama, Luchii/Dec. 01, 2018: Tanü Heritage Village, Kisama nung Hornbill International Photo Fest (Hipfest) semzükba sentong nung I&PR, SCERT & Village Guards Advisor, Toshi Wungtung den ketdangsertem tangokba noksa nung angur.

Kisama, Luchii/December 01 (TYO): December 1, 2018 nü Heritage Village, Kisama nung I&PR, SCERT & Village Guards Advisor, Toshi Wungtung-i ‘Colours of Nagaland’ omen nung Hornbill International Photo Fest (Hipfest) semzüktsüogo, ta ketdangsertem osang ka ajanga metetdaktsü.
Iba sentong tetenzük nung Advisor Irrigation & Flood Control, Namri Nchang; Advisor, Law & Justice, Border Affairs and Treasuries & Accounts, Dr Longrineken; Commissioner & Secretary, V Maria Yanthan; aser Director IPR Limawati Ao den IPR ketdangsertem dena liasü.
Photography & Art exhibition ya Department of Information & Public Relations aser Eastern Art Council nati ayongzük aser Tourism Department, Government of Nagaland-i nungiter.
Iba exhibition nung artist aser photographer ajak agi parnoki 57-i shilem agir aser taküm noksa aser arts ajak agi 153 sayar aser shilem agir rongnung tetsür 15 densema lir.
Photo 10 junior category nung lir.
Mezüngbuba jenjang asem nung takok angurtem nem senpet 40000, 20000 aser 10000 agutsütsü aser nisung ana nem consolation sen meyirjang pongungu agutsütsü. Takok angurtemji hornbill festival tembangba anogo nung sangdongtsü.
Junior category nung 1st, 2nd aser 3rd jenjang nung takok angurtem nem senpet 10000, 5000 aser 2000 agutsütsü.
Ano J.K. Manlun indang Arts aser Kekhriezhazo Miachieo na indang noksatema sayar. J.K. Manlun ya seasoned amateur artist ka lir; pai lanuwa nungi art jangrar aser 2016 küm nungi pai iba maparen tenzüka liasü.
Pa ya JNV Jalukie, Peren District nung professional Librarian ka lir aser tesüiba küm 16 tashi yangji inyaka arudar. Arishi küm 49, Manlun ya Manipuri lir aser Zou Tribe nungi Kamdou Veng, Churachandpur lisopur lir.
Ano arishi küm 31, Kekhriezhazo Miachieo ya Kohima nungi freelance photojournalist ka lir. Bangalore University nungi Computer Application degree agia graduate asüba sülen Ambitions4 photography academy nung photography indang diploma course agia liasü.
New Delhi nung Hindustan Times nung ita ana internship agiba sülen pa yangji küm asem tashi photojournalist ka ama fulltime inyak. 2013 küm nungi 2017 küm tashi pa India Today Magazine nung photojournalist inyaka liasü.
Küm tenet inyakdang pai Nepal Earthquake 2015, Uttarakhand Floods 2013, Muzaffarnagar Riots 2013 aser Kashmir Floods 2014 densema tatalokba aika ayimjema inyakogo.
Pai TOTO-TASVEER Young Photography Award 2017-a agizüka liasü, aser tangbo pa freelance photojournalist inyaker.