Advisor Zale-i Union MoS Rijiju den ajurutep

Kohima, Luroi (August) 24 (TYO): Youth Resources & Sports Advisor, MLA Zale Neikha-i tanü New Delhi nung Union Minister of State for Home Affairs, Kiren Rijiju den ajurutep.
Senden nung MLA Neikha-i Rijiju dang arrtsülen alirtem timtemba indang khuret lemsatep.
Arrtsülen alirtemi parnok nem temulung magütsür aser senzüka toktsür ta asüba tangatetba lir aser aji agi lanurtemi parnok tejashi süngzüktsü atema ozüng alema mapa inyakba nung shilem agir. Anungji, arrtsülen saisapongtem aser lanur dak sendakba infrastructure yanglutsü aser sentongtem atongtsüla, ta paisa Rijiju dang ashi.
Union MoS-i Advisor Neikha dang BADP (Border Area Development Programme) ajanga reprangshimtsü ta nangzük.
Rijiju-isa North East nung inyaktsü sentong lemsatepba ajak pusema nungittsü ta ashi.
Linük nung policy aser sentongtem meteta alitsü atema MLA tem training programmes agitsüla aser tesayuba agütsütsüla ta paisa shisem.