Aenjeti 20 nungi 23 tashi ‘Amazon Great Indian Sale’ akatsü

Aenjeti/January 14 (Agencies): Nüngtugu online company Amazon-i Aenjeti/January 20 nungi tenzüka 23, 2019 nü tashi ‘Amazon Great Indian Sale’ sentong ayonga agitsü atema sangdongogo.
Tangbo, iba sale mapang Amazon ajanga ayokba telemsa product ajak – million 170 shii nung kongshitsü aser talisa Prime member atema alaktetta offer balala agütsütsü ternemba lir. Amazon Great Indian Sale mapang nüngtugu smartphone tem talisa OnePlus 6T aser tanga densema Samsung Galaxy phones, iPhones, Honor, Realme aser Xiaomi product tem nung offer agütsütsü.
Offer nung agütsüba osettsüsettem aliba mapang HDFC debit mesüra credit card amshirtemi discount shilem 10 angütsü. Bajaj Finserv EMI card amshirtemi EMI jenjang medeni iba sale akaba mapang pei aginüba osettsüsettem alitettsü.
“Ajaki temulung adokba aser jenjang aketba osettem ayokba e-commerce Amazon ajanga customer tem nem tayoker (seller) lakh tema indang nungi osettsüsettem offer nung agütsütsü ternemba lir. ‘Amazon Great Indian Sale’ mapang smartphones, ‘Consumer Electronics, Fashion, Home & Kitchen, Large Appliances, Daily Essentials’ aser tanga product densema offer telemsa balala nung agütsütsü,” ta Amazon India, Category Management, Vice President, Manish Tiwary-i ashi.
Taruba Amazon Great Indian Sale mapang Amazon Echo, FireTV Stick aser Kindle eReaders densema Amazon Device tem sen 3,000 agi tajemba nung angutsü.