Aenjeti 24 nü AHoDs/HoDs senden amentsü

Kohima, Aenjeti (January) 22 (TYO): Tanü Home department, Secretariat Administration Branch (A)-i sangdong ka ajanga, taruba Administrative Heads of Department aser Heads of Departments sendenji Aenjeti (January) 24, 2018 nikongdang 1:00 ako nungi Secretariat Conference Hall nung amentsü, ta metetdaktsü.
Iba senden nung taoba AHOD/HOD senden: CS & HC nung telemtetbatem reprangshitsü, Aenjeti 26 nü Republic Day sentong atema jembiysü aser ele3ction agitsü atema CEO Nagaland-i presentation agütsütsü aser Economics & Statistics dept.-i osang agütsütsü.
Iba senden nung AHoD’s aser HoD’s ajak medema adentsü mepishia metetdaktsür, ta kasa sangdong nung shia lir.