Aenjeti 6, 2019 nü Likabali nung Veteran Rally agitsü

Kohima, Luchii/December 22 (TYO): Spearhead Division-i taruba küm Aenjeti/January 06, 2018 nü Likabali Military Station nung Veteran Rally sentong ka ayonga agitsü ternemba lir. Iba rally sentong ayongba nükjidong ya Veteran, Veer Naris aser asür kibongtem shirnoki linük asoshi taküm tenla agütsü, parnok timtem angadanga aser sensaksemtsü maongka agütsütsü atema lir.
Rally sentong nung Dhemaji (Assam), East Siang aser Lower Siang (Arunachal Pradesh) district tem nungi Veterans aser Veer Naris den külemi tanurtem aser kinungertem aruagi adentsü asoshi jaoker. Kasa sentong nung Major General Ajai Verma, General Officer Commanding (GOC), Spearhead Division den külemi state aser civil administration nung tongtibang nisungtem aser ketdangsertem aruagi adentsü.
Veteran tem indang timtem onük balala angadangtsü asoshi sentong agiba mapang Principal Controller of Defence Account (Pension) Allahabad, Records Offices, Medical & Health, Zila Sainik Board, Army Recruitment Office aser bank balala nungi züngsemtem aruagi shilem agitsü.
Iba denji külemi Veterans, Veer Naris, asür (Martyr) kibongtem aser kinungertem nem angati medical health check up camp ka Military Hospitals Doctor temi ayongzüka akatsü asoshi sentong renema lir. Iba rally sentong nung shilem ka ama Veer Naris atema tenüngsang agütsüba sentong ka renemja lir aser iba den repsema Veteran o asür kibongtem nem sempet agütsütsü.
Veteran Rally sentong dak sendakba osang tejangja metetnüra, tsünglanglen agüja aliba ketdangser den tongtepratepang:- (a) Chief Coordinator – 9774477417 (b) Assistant Coordinator – 8493891902 / 7630064527