AEO Kohima-i yimtenren party tem den senden ka ayonger

Kohima, September 27 (TYO): Assistant Election Officer, Kohima, R.Toshimeren Aier-i sangdong ka ajanga, yimtenren party balala nungi züngsemtem den October 3, 2017 anüngdang 11.00 ako nungi Deputy Commissioner’s conference hall nung senden ka amentsü, ta metetdaktsü.
Iba senden ya Special Summary Revision of Photo Electoral Roll w.r.t 01.01.2018 (qualifying date) dak sendakba nung ayonger.
Kasa senden nung recognized yimtenren party tem nem draft electoral roll agütsütsü, anungji item yimtenren party tem nungi züngsemtem arua adentsü mepishia metetdaktsür, ta sangdong nungsa shia lir.