June 26, 2016: Kentener telok, Aerosmith züngsemtem küm 46 tashi külemi kentena aruba sülen 2017 küm parnoki tatembabuba kenten sentong nung shilem agitsü.
Aerosmith nung tongti kentener, Steven Tyler-i, 2017 küm parnok kenten sentongtem tembangba sülen par telok loksatsü, ta osang jangjatsügo.
Aerosmith telok ya 1970 küm Boston, Massachusetts nung tenteta liasü aser parnoki studio kensep 15 adokogo. Parnok indang kensep tasenbaji 2012 küm adokba ‘Music from Another Dimension’ lir.
Howard Stern indang radio show sentong nung jembidang Tyler-i, par telok lenmang tatembang kati aruogo, ta ashi.
Tyler-i, “Ni iba telok meimer, ni atangji meimer. Onoki tatembangbuba kentena senzütsü,” ta ashi.
Joko mapang tatsüka Tyleri nija mapa nung temulung agütsür aset taruba ita pa nija country kensep ‘We’re All Somebody From Somewhere’ sayatsü sentong lir.
Taküm May ita nunga Tyler-i, “May nungi August ita tashi ni kenten sentong 30 (nija) nung shilem agitsü. Iba sülen 2017 küm Aerosmith den shilem agitsü. Ibaji tatembangbuba kenten sentong asütsü,” ta jembia liasü.
You must be logged in to post a comment Login