AFC U-16 Championship Qualifiers: India-i goal 5-0 agi Bahrain akok

Tabriz City, September 16 (Agencies): India teloki goal 5-0 agi Bahrain madak takok ngua tang tasayadak AFC Under-16 football qualifiers 1 buba asaya tanü Bodbar nü asayaogo.
India nung 2017 küm asayatsü ayongba U-17 World Cup asayamong nung shilem agitsü asoshi terenemshiba agiba India telok tenüng nung Aman-i tanü asaya tenzüker minute 19 aser 47 buba na nung goal 2 agütsü.
Pa den sema, Gaston, Boris aser Suresh nungeri asaya tenzüker minute 15, 27 aser 75 buba nung goal ka ka agüja par India nem takok bener arutsü.
Bahrain asayartemi India nem goal magütsüdaktsütsü nükjidong nung tashiyim yimya amshitsü tenzük aser asaya tenzüker minute 65 nung par striker, Abdulla Jasim asayadak nungi temaleni tugudakja merenshiba yong par asayar 10-i dang asaya tembanga asaya liasü.
India teloki par taruba asaya Iran den tan September ita 18 nü asayatsü lemzüka lir.