Tabriz City (Iran), September 20 (Agencies): Deobar nü India team asoshi Asian Football Confederation (AFC) U-16 qualifier tatembangbuba asaya nung parnoki 6-0 agi Lebanon madak takok tulu ngogo.
Iba asaya nung Suresh-i hat-trick ka yanglu. Pai asaya tenzüker minute 8, 71 aser 89 nung item goal asem yoka liasü. Ano Komal-i minute 77 buba nung ka aser Amarjit-ia minute 80 buba nung ka ta yoka liasü. Goal kabo minute 76 buba nung parnok sasa metsüok.
Asemben asayaba nung point 6 ngua aser iba takok ya ajanga Group E tarensen nung India tanabuba jenjang nung tembangogo. India-i Bahrain koker Iran makok lia tang Lebanon kokogo.
AFC U-16 Championships yua sangküm India nung amungtsü koba asoshi India team qualify sütetogo.
India coach Nicolai Adam-i, “Iran makok nü ni team anaprongla asaya agi temulung masü liasü. Saka tanü asenoki U-16 koma asayatsüla aji jangja nguogo. Iran den asayadang ama talanglang nungi ball magütsütepi tanü amai asayatsüla. Iba takok anguba ajanga ni kanga pelar,” ta ashi.
You must be logged in to post a comment Login