AFC U-19 Championships: India tsürtem tsükogo

Hanoi, November 04 (Agencies): India’er tetsür Under-19 (U-19) football asayartemi tanü, Hokolbar nü tamakok ngua, tang tasayadak Asian Football Confederation (AFC) U-19 Championship qualifiers asayamong nung joko toktepa shilem magitettsüsa jenjang tamajung ajuruogo.
Vietnam tsürtemi tanü goal 4-0 agi India tsürtem 2 buba round asaya nung tsükdaktsü.
Tanü asaya tenzüker minute 35 buba nung Tuyet Ngan-i penalty goal takok ngua agüja, par Vietnam temaba jenjang nung ajungkettsü.
Ngan-isa minute 43 buba nung 2 buba goal agütsüba ajanga asaya mezüngbuba shilem tembang tashi nung par Vietnam teloki goal 2-0 agi temaba jenjang ngua liasü.
Asaya tanabuba shilem nung, asaya tenzüker minute 82 buba nung Thi Nu-i 3 buba goal agütsüba sülen Ha Thi-i asaya tatemlen 4 buba aser takokba goal agüja, par Vietnam telok nem takok ngudaktsü.
Vietnam teloki par Group nung temaba jenjang angur telok akümtsü atema tatembangba league asaya Iran tsürtem den asayatsü lemzükogo.