Afghan election ketdangser tepsettsü merang; 1 tepset, ishika yiru

Peisasa pokseta asütsü mulungtetter kati pa temang nung alenokba bomb pokdakja Kabul yimti nung tanü lendong atalokdaktsüba sülen police aser mitkar ketdangsertemi lendong atalokdak bushisüngdangba noksa nung angur. (Kabul, November 28) 

Kabul, November 28 (Agencies): Peisasa pokseta asütsü mulungtetter kati pa temang nung alenokba bomb pokdakja tongti Afghanistan election commission ketdangser ka Kabul yimtiba nung tanü Honibar nü pokseta südaktsütsü merang ta police-i metetdaktsüogo.
Mejangjatetba amaksangi par temang nung alenokba bomb pokdakja Afghanistan Independent Election Commission nung Regional Director, Abdul Rahman Rodwal pokseta südaktsütsü merang saka tanü lendong nung Rahman taküm kümzüka liasü ta parnoki ashi.
“Kabul yimti anüdoklen, Shah Shaheed kiyong nung tanü atalokdaktsüba lendong nung Rahman’er gari anisang tepsetba den külemi, anameta alir nisung ishika yirutsüba osang tang tashi nung jangjaogo,” ta parnoki osang jangjashitsü.
Telok shingaia tang tashi nung tanü lendong atalokdaktsüba atem tenüng agia metetdakja mali saka tanü lendongji Taliban telungpur telok mapa asütsü akok ta police-i temulung malemba olen ka metetdaktsüogo.