Afghan Tiri Pakistan PM den mejembi

Kabul, Feb 01 (Agencies) : Kabul yimti nung kiralongrartemi tashiyim maparen tamajung inyakba sülen mangyim jashi lemsateptsü atema Pakistan ato kilonser, Shahid Khaqan Abbasi-i telephone ajanga jembitsü merangaka Afghan Tir, Ashraf Ghani-i pa den jembitsü memulung, ta osang ka ajanga metetdaktsü.
TOLO News ajanga ashiba agi, tawa Afghanistan nung tashiyim lendong atalokba dak sendakba nung Abbasi-i Ghani den telephone ajanga jembitsü merang.
Anogoshi adokba Afghan osangkaket ajangasa ashiba agi, Pakistan Army den lemsateptsü asoshi tawa Kabul yimti nung atalokba dak sendakba kuli agütsütsü atema Ghani-i teshimtet telok ka Islamabad dangi yokogo.
Afghanistan nung aliba kiralongrar teloktem yarir ta shia Kabul-i Islamabad aitsür.