Afghan-tsür Tesayur Aqeela Asifi ‘2015 UNHCR Nansen Refugee’ sempet nguogo

Afghantsür tesayur Aqeela Asifi-i ‘2015 United Nations High Commissioner for Refugees (UNHCR) Nansen Refugee’ sempet nguogo.
Pakistan linük Mianwali tesem nung talidak malir alidak Kot Chandana yimtsüng nung lai tasü itta kaket shisatsü kanga meranga Afghantsür nem küm 20 tema sayua aruba atema la nem iba sempet ya agütsü.
Afghanistan linük yimtiba Kabul nung 1992 küm Asifi ya tesayur inyaka liasü, ajioda süaka mepet mesü kar ajanga lar kibong Pakistan linük kübok talidak malir jenokdak tesem Kot Chandana yimtsüng nung kümzüka alitsü tesem bushia arua jenoka liasü.
UNHCR Nansen tatsü agi yamai :
Norwegian linük nungi tesem balala bushisüngdanga sema jajar aser ‘Nobel Peace Prize’ sempet angur tasütait takotet nisung Wb. Fridtjof Nansen, tenüng nung 1954 küm tenzük. Iba sempet ya khenyongi tangar den balaka inyakteter-i mesüra rogotemi talidak malir nisungtem mesüra tepetzük tia nung alirtem nem tajangzük shisatsü tapu balala agütsürtem nem/telok nem iba sempet ya agütsür.
UNHCR Nansen sempet nung temaitsü medal aser sen US dollars 100,000 dena agütsür aser iba teyari sen jagi tagizükeri maneni kasa wadang nungjisa amshia arur.