Afghanistan army helicopter lendong nung 8 asü

Kabul, October 9 (Agencies) : Deobarnü Afghanistan Baghlan province nung army helicopter ka tsükokba lendong nung nisung 8 asü, ta ketdangsertemi ashi.
Iba lendong ya onoki atalokdaktsüba lir, ta Taliban telungpuri tenüng agiogo.
“Iba army helicopter ya province yimtiba Pul-e-Khumir anüdoklentip tsütsü anüolen, tenem kanga bulua aliba Qarghan Tapa tesem nung anepdang 6:00 meta atalok,” ta ketdangser kati ashiba Xinhua news agency osang ajanga metetdaktsü.
“Military lenirtemi iba tatalokba atema bushisüngdang maparen tenzükogo aser iba dak sendakba osang tejangja khen lir külena metetdaktsütsü,” ta ketdangser kati ashi.
Sepaitem indang tesepi nüngdakba oset aser chiyungtsü belenba, iba Mi-17 helicopter ya telungpuri rocket ka agi kahzüka yokdang yangji mena aliba sepai 3 den crew member 5 asü, ta army ketdangser jagi ashi.