Afghanistan den yimjung atema jembitsü meranger: Aziz

Islamabad, December 12 (Agencies): Pakistan linüki Afghanistan den yimjung atema jembitsü merangba olen ka Pakistan’er foreign policy lenisang, Sartaj Aziz-i metetdaktsüogo.
“Afghanistan nung nisung kari ozü Pakistan den yimjung nung alitsü onük benoka jembitsü memulunger aser parnoki Pakistan dak temulung melemi kümdakja, ozü linük ana tsüngda yimjung alitsü maparen nem tetsükdaktsü agütsür,” ta pai ashi.
Paisa ashiba agi, Afghan Intelligency Agency-i meinprongba ajanga Afghanistan sorkar aser Taliban telungpur telok na tsüngda yimjung tezüngzüktep takok ngua magiteti lir.
“Pakistan-i Afghanistan den yimjung nung alitsü meranger saka par yimsüsürtemia aiben tetsükdaktsü bener arutsüba ajanga ozü linük ana tsüngda tanüa bilemba ama sendaktepa meliteter,” ta Aziz-i shisem.