Afghanistan nung 21 kaset; 8 yirutsü

Kabul, July 27 (Agencies): Mejangjatetba prangpong abener telok kati Afghanistan anüdoklen kiyir benjung ka nung adener nisung 21 shi kasetba den külemi, nisung 8 shi yirutsüogo ta police-i tanü Hombar nü metetdaktsü.

Kechi timtem ajanga Baghlan province nung tan lendongji atalokdaktsü iba osang tang tashi mejangjateti lir ta parnoki ashi.

“Baghlan province nung kiyir benjung agia alidang mejangjatetba prangpong abener telok kati arua benjung nung adenba teburtem dak injang kalokja amak,” ta Baghlan police lenisang, Abdul Jabar Pordeli-i osang jangashitsü.

Tan lendong atalokdaktsür ajunga pua parnok nem ozüngi melaba ama tapet terenemshi agütsütsü asoshi bushisüngdang tenzüka lir ta pai shisem.