Afghanistan nung Indian Consulate amak

Kabul, January 3 (Agencies) : Deobarnü Afghanistan kübok Mazar-i-Sharif yimti nung mejangjatetba nisungtemi Indian consulate amak.
Bomb ana pokdakja aser injang kar yokba sülen mejangjatetba nisung kari compound telungi aitsü merang, ta local governor atema otongdar kati osang metetdaktsü.
Iba mapang nisung pezü liasü aser parnok rongnung anabo Afghan special forces-i kahsetogo. Iba tatalokba nung India nunger asüba mesüra yiruyibongba mali, ta otongdarisa metetdaktsü.
“Nisung kari onok amaker, kahtepba manener” ta Indian consulate nung ketdangser kati telephone ajanga AFP osangbener dang ashi.
Balkh district nung züngsem asem aliba Indian consulate ka lir.