Afghanistan nung IS den sentaktepa alir telungpur pongu kahset

Kabul, November 29 (Agencies): Nangarhar province, Afghanistan nung Islamic States (IS) den sentaktepa alir nisung pongu kahsetogo, ta defence ministry sangdong ka ajanga Deobarnü metetdaktsü.
“Afghan National Army, 4buba Brigade, 201 Saelaab Corp temi Achin district nung IS telok atsüka aliba tesem ka nung injang tesashi aika kahloktsüdang telungpur pongu kahset,” ta sangdong ajanga ashi.
Iba operation ya military tem den “Shaheen 10” telok lokteper oa liasü, ta Xinhua news agency ajanga metetdaktsü.
Iba operation ya Afghan security forces temi ita ka tejakdang mezüng tenzük aser joko linük nung aliba district aika nung kasa operation agidar.