Afghanistan nung IS telungpuri ki aika rongtsü

Kabul, January 14 (Agencies) : Afghanistan kübok Nangarhar province nung Islamic State (IS) telungpur den sendaktepa aliba kiralongrartemi nisung aliba ki 60 nung mi senoka rongtoktsüogo, ta Honibarnü ketdangser kati ashi.
“Hokolbar nikongdanga IS telungpur telok kati Kot district nung lendong agütsü dang ki kar nung mi senoktsü,” ta province ketdangsertemi ashi.
Aji oda süaka iba tesem nung aliba nüburtemi mi mesenoktsü dang yongi parnok aliba ki azüngteta yutsür orr liasü anungji iba lendong nung asüba mesüra yiruba osang kecha mali.