Afghanistan nung menoknok tesashi ka anok

New Delhi, April 10 (Agencies): Deobarnü Afghanistan-Tajikistan arrtsü anasa Hindukush tesem nung Richter scale nung 6.6 asadangba menoknok tesashi ka anok.
Iba menoknok ya south-west Asia kübok yimti aika nung metetogo aser Pakistan nungbo nisung ana asüba den aika yiruba osang angazüker.
Iba menoknokji tanü nikongtsütsü 3.58 ako meta anok aser menoknok anokba tiyongtsüji Afghanistan kübok Ashkasham nungi kilometre 39 shi pilar liasü.
Menoknokji kilometer 200 shi telongtet nung kanga sashia anok, ta European Mediterranean Seismological Centre ajanga metetdaktsü.
Kabul, Islamabad, Lahore aser Delhi yimtitem nunga menoknok anokba metet.
October 2015 nunga kasa tesem nung 7.5 asadangtetba menoknok tesashi ka anokdang nisung 300 shi taküm sama.
Tanü anokba menoknokji ali telunglen kilometre 210 shi ir anok, ta US Geological Survey (USGS) osang ajanga metetdaktsü.
Pakistan kübok Peshawar nung nisung 27 tashi menoknok nung yirua mozükidang anepaludar, ta osang ajanga metetdaktsü.
(Maneni tapak 9 nung…)