Afghanistan nung police tenet tepset

Kabul, March 05 (Agencies) : Deobarnü Afghanistan Kunduz province nung Taliban telungpurtemi security checkpoint ka amakba mapang tajemba agi police tenet tepsetogo, ta police sangdong ka ajanga metetdaktsü.
“Taliban telungpurtemi Zhakhel tesem nung aliba police post ka nungpoka ait. Iba amakba mapang police ketdangsera ka yirua lir,” ta police ketdangser kati ashiba osangbenertemi metetdaktsü.
Army aser police peria maliba yimtsüng aser district tem nung nüburtem kümzüka ayutsü asoshi sorkari 2010 küm nungi police force yoker aser iba tesem yaa item rongnungji ka lir.