Afghanistan nung sepaitemi Taliban 39 kahset

Kabul, October 5 (Agencies) : Afghanistan kübok Kunduz yimti nung Taliban telungpur 39 shi kahtepdang aser airstrikes nung tepsetogo, ta ketdangsertemi metetdaktsü.
Bodbarnep yimti tesem balala nung kahtep aser sepaitemi telungpurtem Kunduz yimti nungi odaktsü, ta ketdangsertemisa ashi.
“Afghan security forces-i Kunduz yimti nung kiralongrartem meindoktsü atema mapa maneni inyakdar. Yimti telung nung telungpur 17 shi kahset aser army indang tayimtsütemi Taliban aliba tesemtem amakdang parnok 22 tepset” ta Defence Ministry-i metetdaktsü.
Iba mapang telungpur 27 yirua lir, ta parnokisa shisem.
Hombarnü Taliban-i Kunduz yimti tesem balala amak aser residential ki aser kiojentem nung jenok aser iba sülen sepaitem den kahteptsü tenzük.
Tajikistan den arrtsüa aliba Kunduz province nung tesüiba ita tsüngda Taliban aser sepaitem tsüngda kahtepyonga arur.