Afghanistan nung Taliban pur 50 tepset

Kabul, August 5 (Agencies): Afghanistan kübok Khost province nung Taliban pur tesep ka amakdang nisung 50 shi tepsetogo, ta ketdangser kati Honibarnü metetdaktsü.
“Hokolbar aonung Musa Khil district kübok Piri tesem nung tayimtsütem ajanga tesepji amak” ta District Chief, Gulab Mangal-i osangbener dang ashi.
US-i aniba teloktep indang tayimtsütem amshia amak aser iba mapang Taliban pur jenokdak den prangpong-injangtem samatsü, ta Mangal-isa ashi.
Tanü Afghan Defence Ministry-ia sangdong ka nung Khost nung telungpur 50 tepsetba osang metetdaktsü saka parnoki iba dak alia tanga osang kecha mashi.
Taliban aser Islamic State kiralongrartemi linük nung tesem kar agitsü merangba anema Afghan forces-i mapa tesashiba inyaker.