Afghanistan nung Taliban züngsem 22 kahset

Kabul, February 28 (Agencies): Baghlan province, Afghanistan nung sepaitem aser Taliban telungpur na tesüiba gondha 22 kahtepba mapang tajemba agi Taliban züngsem parnok 22 tashi kahsetogo.
Iba rara ya Baghlan province nung aliba Dand-e-Ghori district nung Deobarnü atalok, ta sepai otongdar Ahmad Jawed Salim-i ashiba Xinhua News Agencies ajanga metetdaktsü.
“Tesüiba gondha 22 tsüngda nung tajemba agi Taliban züngsem 22 tashi kahsetogo aser parnok tenet yirutsü,” ta Salim-i ashi.
Iba tatalokba nung Taliban teloki ano kecha osang magütsü.
Dand-e-Ghori aser Dand-e-Shahabudin district tem ya Taliban telok indang tesepti lir ta jembia arur. Parnoki Baghlan aser anasa aliba Kunduz o Samangan provinces tem nungi kiralongra mapatem inyaker.
Afghanistan sorkari taoba January tiyonglen Dand-e-Ghori aser Dand-e-Shahabudin districts tem nungi item telungpur sensahidaktsütsü asoshi kanga sashia makbanga liasü.