Kabul, August 16 (Agencies) : Afghanistan army temi linük nung aliba province 34 rongnungi province 17 nung mita aodang tajemba agi telungpur 82 tashi tepset aser 64 yiru, ta Mongulbarnü Defence Ministry sangdong ka ajanga metetdaktsü.
Paktia province kübok Chamkani aser Jani Khel district na nung army-i telungpur kanga bulua aliba tesemtem mita aodang Taliban telungpur 36 tepset aser 24 yirutsü, ta sangdong nung ashiba Xinhua news agency osang ajanga metetdaktsü.
“Ano Baghlan province kübok Dahana-e-Ghori district nunga telungpur 32 tepset aser 20 yiru,” ta kasa sangdong nung shia lir.
Iba district nung Taliban teloki sorkar office tem amanglemba sülen nungi mapang shia iba ama rara adoker.
Army indang artillery aser rara dang amshiba tayimtsütem amshia mita aoba mapang telungpur 12 pua lir, ta ministry sangdong ajangsa ashi.
Sangdong ajanga ashiba agi, iba kasa mita aoba mapang army-a parnok nisung 7 tashi taküm laluogo.
Taliban teloki linük nung kiralongra mapa inyaktsü tenzüba sülen nungi Afghanistan army temi mita aoba mapa kanga sashia tenzük aser Nato-i aniba force temia taküm April ita nungi drone amshia telungpur amaktsü tenzükogo.
Tang atalokba nung Taliban teloki kecha meshii lir.
You must be logged in to post a comment Login