Afghanistan nunger Taliban lenir ka kahset

Kabul, November 27 (Agencies) : Afghanistan sepaitemi Uruzgan province mita aoba mapang yangji aliba Taliban lenir ka dena kiralongrar pungu kahsetogo, ta Deobarnü Defence Ministry sangdong ka ajanga metetdaktsü.
“Honibarnü Dihrawud district nung sepaitemi mita aoba mapang Dihrawud nunger Taliban lenir ka tenüng agi, Bismillah den kiralongrar züngsem pezü dena parnok ajak agi nisung pungu kahsetogo,” ta sangdong nung ashiba Xinhua news agency osang ajanga metetdaktsü.
Osang tejangja angashiba sülen sepaitemi mita aoba mapang kiralongrartemi injang agi akahtsü tenzüka kahtepba mapang parnok pungu ya kahset, ta sangdong nungjisa shia lir.
Uruzgan province nung tesüiba ita anashi Taliban telungpur aser Afghanistan sepaitem na tsüngda aiben kanga sashia kahtepa arur.
Kiralongrartemi tsüngküm matongdang iba tesem agitsü merangba ajanga Afghanistan security force temi tawa tanü ka nungi iba tenem aliba tesemtem kanga sashia mita atar.