Afghanistan operation nung telungpur 18 asü

Kabul, November 15 (Agencies): Afghanistan security temi tesüiba gondha 24 tsüngda mita aoba mapang tajemba agi Taliban telungpur 18 tashi taküm samatsüogo, ta linük Interior Ministry sangdong ka ajanga Deobarnü metetdaktsü.
Sangdong ajanga, “Tesüiba gondha 24 tsüngda nung ‘Afghan Security Forces’ temi kiralongra mapa anema linük nung aliba provinces balala nung operation agi. Iba mapang tajemba agi telungpur 18 asü aser trok yirutsü,” ta ashiba Xinhua osang ajanga metetdaktsü.
Deobar anepdang Afghanistan Defence Ministry-i ashiba agi, linük nung Honibarnü nungi tang tashi nung tatalokba balala nung sepai 12 taküm laluogo.
Tang tashi nung Taliban teloki ano iba osang dak sendakba nung kecha majemi lir.