Afghanistan Taliban-i IS den raratsü renemer

Kabul, October 12 (Agencies): Afghanistan Taliban-i Islamic State (Daesh) telok den raratsü asoshi “special forces” ka tentetogo, ta media ajanga metetdaktsü.

Iba tentet tasenba nem “Reserve Units” ta tenüng agütsüogo aser iba telok ya Afghanistan province tem nung tenteta lir. “Reserve Units” ajanga IS den raratsü asoshi lanurtem nem tesayuba agütsütsü, ta Khaama press-i Hombar nü metetdaktsüogo.

Taliban-i yimtak alirtem dang parnok den külemi IS den raratsü asoshi ajungshir, ta media ajangasa ashi.

Taliban otongdar Mujahid-i, iba telok ya shitakba tenteta lir, ta shiogo.

Afghanistan nung aliba IS züngsem timbaka Afghanistan aser Pakistan Taliban telok tem nungi lir.

IS-i parnok den denang ta ashiba mapang Taliban-i magizük aser tang parnok o parnok tsüngda rarar.

Iba rara nung Taliban aser IS züngsem noklang aika taküm samaogo.