Afghanistan, Turkmenistan TAPI project atema jembi

Kabul, February 17 (Agencies) : Afghanistan Tir Ashraf Ghani aser Turkmenian Tir Gurbanguly Berdimuhamedov na phone ajanga Turkmenistan-Afghanistan-Pakistan-India (TAPI) gas pipeline project atema jembi.
Brihostibarnü lenir anati linük ana tsüngda tesendaktep tali tashi itshitsü aser international inyakyim renloktsü dena jembia liasü, ta osangbenertemi ashi.
TAPI gas pipeline project ya December 2015 nungi tenzük aser 2019 nungibo amshitettsü.
Tena jembidang Berdimuhamedov-i Ghani dang Turkmenistan arua semdangtsüa ashi.
TAPI pipeline ya kilometre 1,814 talang lir aser küm nung cubic metres billion 33 tashi iba pipeline ajanga belentettsü.
Iba pipe kilometre 214 Turkmenistan ajanga aotsü, kilometre 774 Afghanistan ajangtsü aser kilometre 826 agi Pakistan ajanga oa India nung Punjab province kübok Fazilka jila atongtsü.