Afghanistan:Bomb lendong nung nisung 11 asü

Kabul, April 15 (Agencies) : Afghanistan kübok Helmand province nung bomb lendong atalokba mapang tajemba agi civilian 11 tashi süogo, ta Honibarnü ketdangsertemi metetdaktsü.
“Hokolbar aonung Nawa District nung Civilian tem mena aliba minibus ka agi improvised explosive devices (IED) ka nung oa tsükshi. Iba bomb lendong nung gariji anüka ajasa aser yangji mena aliba nisungtem asü,” ta ketdangser kari ashiba osangbenertemi metetdaktsü.
Taliban kiralongrartemi item IED ya security tem amaktsü asoshi amshir, ajisüaka iba oset yagi civilian tem kanga yirutsür.
Afghanistan nung tasüba timtiba atalokba rongnung tasembubaji IED ajanga asüba ya lir aser ali nungi raraba aser taküm bendanga agütsürtemi südaktsübaji mezüng aser tanabuba jenjang nung lir.
Helmand ya Taliban tem indang tesepti tesem ka lir.