Afghanistan:Bus aser totzü abenba gari tsüktepdang nisung 36 asü

Kabul, September 04 (Agencies) : Zabul province anülolentip tsütsü bus gari ka aser totzü abenba gari ka ta tsüngtepdang bus nung mena alir tetsür aser tanur dena parnok nisung 36 asü, ta Afghanistan ketdangser kati ashi.
Province nung Angh, Zabul atema otongdar Gul Islam Seyal-i, iba lendong nung nisung 25 dak tema yiruba rongnung karbo tasü taküm tsüngda timtemdar, ta Deobarnü metetdaktsüogo.
Gari ana ya Shar-e Safa district kübok Kabul aser Kandahar yimti na sentaktepba tongtibang highway nung tsüktep.
Iba lendong ya gari anir anaprong mekümdangba ajanga atalok, ta Seyal-i aija shiogo.
Kangasa mejungi yirur alirtembo Kandahar province mozükidangi anir oa teyari agütsütsü, ta pai shisem.
Taküm May ita nunga Ghazni province len iba kasa highway nung bus gari ana den totzü abenba gari ka tsüktepba mapang nisung 52 tashi asü.