Afghanistan:Mita aoba mapang telungpur 43 tepset

Kabul, April 30 (Agencies) : Afghanistan nung military operation aoba mapang tajemba agi telungpur nisung 43 tashi tepsetogo, ta Deobarnü Interior Ministry sangdong ka ajanga metetdaktsü.
“Tesüiba ghonda 24 tsüngda nung Afghanistan National Defence aser Security Force tem lokteper Kunar, Wardak, Nangarhar, Zabul, Logar aser Kunduz province tem nung kiralongrartem mita aoba mapa ti tashi inyaka liasü,” ta ministry sangdong nungji shia lir.
Military temi mita aodang tepsetba telungpur rongnungji Islamic State (IS) züngsem 17 liasü aser ti yiru, ta kasa sangdong ajangasa ashi.
Iba sangdong nung military tem yiruba osangbo kecha shia maliasü.
Afghanistan security force temi telungpur anema mita aoba mapa kanga sashia tenzüka inyakdar, kechiba süra tang mapa ya Asia tenem tsütsü teti rara adokba mapang lir.