Afghanistan:Rür nungzüka aluba lendong nung nisung 10 asü

Kabul, February 4 (Agencies) : Afghanistan anüdoklentip tsütsü Badakhshan province kübok yimtsüng ka nung rür nungzüka aluba lendong nung tajemba agi nisung 10 asü ser nisung 12 yiru, ta Honibarnü ketdangsertemi metetdaktsü.
“Iba lendong ya Hokolbar aonung ayaterm mapang Mahami district kübok Barghut yimtak atalok. Lendong atalokli lendong nung tetsür aser tanur dena tajemba agi nisung 10 asü aser nisung 12 yiruba osang angashi,” ta provincial Disaster Management & Humanitarian Affairs ta director, Sayyed Abdullah Dehqan-i osangbenertem danga shi.
Lendong ajanga yimtak ki 18 tashi ajasaa raksatsüogo anungji teyirur aser tasür ano taliba ang akümtsü akok. Iba lendong tesemi tekümzükertem telok ka yokogo aser parnoki lendong agi kongshir alirtem yaritsü, ta paisa ashi.