Africa nem UN Security Council menden 2 agütsütsüla: Mugabe

Johannesburg, October 29 (Agencies): United Nations Security Council (UNSC) nung temelenshi agitsü nungdaker ta shia, UNSC nung Africa asoshi menden 2 lemzüktsütsü takhangba olen ka Zimbabwe Tir, Robert Mugabe-i tanü Brehostibar nü metetdaktsüogo.

India kübok New Delhi yimti nung amenba Third India-Africa Fourm Summit (IAFS) senden nung o jembia shilem agidang, African Union (AU) nung mendenbuba, Mugabe-i tanü iba olen ya metetdaktsü.

“UNSC nung Africa atema teti asoshi züngsemtsü menden tajemba agi 2-bosa lemzüktsütsüla. Yamaji lemzüktsüba ajanga dang alima nung tentetba tentet rong nung tongtiba, UNSC nung tebendang kecha malitsü,” ta pai shisem.

Tan amenba IAFS senden nung Africa nung tentetba linük balala nungi lenir 54-i shilem agiba osang jangjaogo.