Agartala-New Delhi Rajdhani train Rajen Gohain-i lapoktsüogo

Maligaon, October 29 (Agencies): Union Minister of State for Railways, Shri Rajen Gohain-i, Agartala Railway Station nung sentong ka agia, 20501/20502 Agartala – New Delhi (Anand Vihar) Rajdhani Express tenzüktsüogo, aser iba ajanga Agartala, Northeast yimtiba tem National capital den sendaktepba yimti tasembuba kümogo.
Tripura Ang Tathagata Roy, Tripura Minister Badal Choudhury aser Manik Dey, Members of Parliament (Lok Sabha) Shankar Prasad Dutta & Shri Jitendra Chowdhury aser MLA Shri Dilip Sarkar nunger iba sentong nung dena liasü. General Manager Chahatey Ram-i anir Railway ketdangsertem aser nüburtem noklang aika iba senden nung aden.
Iba sentong nung o jembidang Minister of State for Railways Rajen Gohain-i ashiba agi, küm asem tejakdang sorkar tasen kümtetba sülen sorkari northeastern state tem kanga temolung agüja repranga arudar, aser iba tesem nung railway maparen khenyongi ana asem ayimdaker inyaka arudar.
Paisa ashiba agi, NE state tem terenlok atema senotsü indoktsüba asoshi kecha atsüayong makai agüja arudar, aser Centre sorkari tesem dak ajemdaker kecha tebendang makai terenlok maparen balala inyakdar.
Gohain-i ashiba agi, north-eastern states ajak dang nungi tang sorkar kübok Tripura rail ajanga tajungtiba sendaktepogo. Paisa ashiba agi, Rajdhani Express tasenba atema lenmang tatsütiba bushisüngdangba nung pai dena shilem agiogo, aser iba ajanga state nung aliba nüburtem tekaritiba nung India yimtiba tongtettsü.
Tripura Ang, Tathagata Roy-i o jembidang railway pur mapa tajung atema parnok tenüng asang aser ashiba agi, sorkar tangatetba yagi iba tesemi terenlok bener arutsüba nung tongtibang shilem agir. Iba sentong nung o jembirtem rongnung Badal Choudhury, Manik Dey, Shankar Prasad Dutta, Jitendra Chowdhury aser Dilip Sarkar nunger densema liasü, aser parnok ajaki railway pur mapa tajung asoshi parnok tenüng asang. Parnoki NE nung railway service tajung maneni agütsütsü asoshi N. F. Railway ajungshi.
Kasa mapang nung Rajdhani Express train tasenba ya Hombar shia Agartala nungi 18:30 nung apusotsü aser Anand Vihar (New Delhi) 11:20 nung Bodhbarnü atongtsü. Meyipa aruba mapang nung iba train ya Anand Vihar nungi Bodhbarnü 19:50 nung apusotsü aser Agartala Hokolbarnü 12:30 nung atongtsü.
Train tasenba ya km 2457 shi jajatsü aser ghonda 41 shi agitsü.
S/No.Train No.                       Service started on
1. 14019/14020 Agartala- Anand Vihar (Delhi) Weekly Express 31-07-2016
2. 15660/15659 Agartala – Sealdah Kanchanjungha Express (tri-weekly) 08-10-2016
3. 55663/55664 Agartala-Silchar Passenger (daily) 07-10-2016
4. 55675/55676 Agartala-Dharmanagar Passenger (daily) 07-10-2016
5. 55677/55678 Silchar-Dharmanagar Passenger (daily) 07-10-2016
6. 55679/55680 Agartala-Dharmanagar Passenger (daily) 07-10-2016
7. 55681/55682 Agartala-Udaipur Passenger (daily, except Sunday) 24-01-2017
8. 55684/55683 Agartala-Udaipur Passenger (daily, except Sunday) 24-01-2017