Agartala nung tebur asemi tetsür ka tashiyim amshia raksatsü

Agartala (Tripura), February 12 (Agencies): Hokolbar aonung Agartala nung tebur telok kati arishi küm 36 tetsür ka dak tashiyim mapa inyak, ta osang ka ajanga metetdaktsü.
Iba ken o nung tai tonglokja tebur asem- Jitendra Singh, Mukesh Kumar aser Samir Das nunger police-i puogo.
Iba tatalokba nungi maongka agir Tripura state nung opposition party tem- BJP, Trinamool Congress aser Congress-i state Chief minster, Manik Sarkar dang pai bena aliba home portfolio toktsütsüla ta takhangba agutsür.
Superintendent of Police (West) Abhijit Saptarshi-i ashiba agi, Jitendra aser Mukesh napronglaji Haryana state nungi lir, aser tenaji construction company ka nungi aayangertem lir.
Ano Teliamura nungi tebur kaji Samir Das lir ta jangjaogo.
Iba aonungji Agartala tezülen Anandanagar nung alir tetsürlaji Circuit House anasa ki ka bushidang iba tesem nung alir Jitendra aser Mukesh nati, tenati yaria kiji bushitsütsü ta la dang ashi.
“Iba sülen tenati tetsürlaji tena indang para kidangi anir oa la dak tashiyim mapa inyak. Tesülen kasa agency nung inyaker Samir-ia tashiyim mapa inyak,” ta police ketdangserisa metetdaktsü.