Aghan Mosque ka nung 4 pokset; jenti yiru

Kabul, June 10 (Agencies): Afghanistan anüdoklen tsütsü, Nangarhar province nung tentetba mosque ka telung nung pokshiba lendong tesashi ka atalokba osang ka provincial sorkar otongdar, Attaulah Khogyani-i tanü, Hokolbar nü metetdaktsüogo.

“Rodat district nung tentetba mosque kilung nung nüburtemi par sarasadem mapang agia alidang tanü lendongji atalokdaktsü. Tan lendong nung ishiba agi nisung 4 poksetba aser nisung jenti yiruba osang tang tashi nung jangjaogo,” ta pai osang jangjashitsü.

Paisa ashiba agi, tan lendong nung nisung asüba osangji tang jangjaba den timba akümtsü kechiyong tan lendong nung nisung aika kanga mejungi yirua lir.

Ajisüaka, Pakistan arrtsülen, Nangarhar nung tan lendong atalokdaktsüba atema telok shingia tang tashi nung tenüng agia metetdakja mali.

Nangarhar province ya Islamic State (IS) kiralongrar telok aser Pakistan sorkar nungi atsüka alir Taliban telungpur telok nati tesep tenteba province ka lir.