Agizüktsü metet agütsütsü memetet

Yimer : Sir Alokba, tulur rongnunga na ama shisa ka-a inyaker aikabo mali tasa bilemeraja.
Alokba : Koa! Ni inyakba kechisa junga anguaka. Govt metsü menakerji public atema tajung inyaktsüang bilema alirji tajung majung nenokiang tuteta ashi mesüra kasasabo isab mesüteterako odang shiangni.
Yimer : Ministeria meinyakteta mapang ka Supangbabo nai work charge nung enoktsüji pelaseta litarko. Saka Supangba office-i aobaji nikongtsütsübo tekapu ajak apokzükerang aruba agi chia spoon agidang chiyonga angurako. Ajia advance lima nung alirji yimya tajunga tasa nü nüng asangerako.
Alokba : Ari! Office-i ao nung teka apokzüktsübaji kechi? Penji pu apang amabo mesükama?
Yimer : Sir, tatsüba agi shiti. Ner kima süngkitu Supangba office-a ta angazükato. Nai shisa ka-a inyakoko ta angateter ati.
Alokba : Alima nung ya tekolok agi alirano.
Yimer : Sir, ano govt servant itasen (ROP) yangludang na-sa tuluba sür inyakera ta angazük. Saka ROP 2010 nungbo nai nenok tulur ita shia 1,30,000/- tashi yanglu aser peon chowkidarbo Rs. 12,200/- tashiang yanglu ta angashiato. Peon, chowkidarbo nü dang nungi tama aotsü aser tesü arurato.
Alokba : Yimeri mepilemtanger tangashi ita sen nung p/tax tasür ka lirko ibajibo Rs. 12000 nungi Rs. 1,30,000 angur tashi kasa Rs. 208 agütsütsü ta liro metema lateta lirko.
Yimer : Ibajibo govt servant-i govt nem agütsüba tax (Profitional tax) ato.
Alokba : Shisa takaji ajiaka masü na?
Yimer : Oh! Alokba.
                                Lilir : C. Imo Longkumer, Dimapur