Agnes Kharshiing dak surgery agitsü aliba thinen

Shillong, Yimpoksüi (November) 26 (Agencies): RTI activist Agnes Kharshiing dak mezüng surgery agitsü aliba thinenogo ta tenu John Kharshiing-i ashi.
Shitakba agibo surgery ji Hombarnü agitsüba liasü saka thinen saka kodang agitsü’ar osang memetetdaktsü.
Agnes teka tachijlen surgery agitsü atema ozü kibongi mulunga agizük. La temang kanga mejungi aliba agi doctor temi la dak surgery ji magii dang aru, ta John-isa ashi.
Agnes tekolak yirua aliba ajanga surgery agiba ajanga ano la temang nung timtem adok nungbo ta arentaka bilemba agi lar kinungertem aser doctor tem tsüngda aiben olemtepogo.
Agnes temang majungba agi lai o jembitsü nunga timtem ajurur, ta lar kinungertemisa ashi.