Agnieszka Radwanska Connecticut final-i iogo

New Haven, August 27 (Agencies): Poland tsür, Agnieszka Radwanska-i defending champion, Petra Kvitova semifinal asaya nung tsükdakja, tang tasayadak Connecticut Open asayamong final-i yashi, Hokolbar nü iogo.
Tetsür World No. 4. Radwanska-i yashi minute 77 nung poionts 6-1 6-1 ngua, Czech Republic tsür, Kvitova ayong ayonga tsükdaktsü.
2012 küm takok marok agizükla, Kvitova-i tan asayamong takok maroka agizüka, America tsür, Venus Williams aser Denmark tsür, Caroline Wozniacki na sülen anidaka, Connecticut Open takok marok 4 ben tashi agizüker asayar akümtsü alizüng yua liasü saka lai tamakok anguba ajanga lar mangdang asangsang nung mataloktsüsa tan jenjang tamajung ajuruogo.
Radwanska-i Ukraine tsür, Elina Svitolina den final nung ajuruteptsü.
Tan asayamong nung 10 buba jenjang nung alila, Svitolina-ia points 6-4 6-2 agi Sweden tsür, Johanna Larsson tanabuba semfinal asaya nung tsükdakja final nung shilem agitsü jenjang anguba osang jangjaogo.