Agnipath Scheme kübok Nagaland atema army recruitment rally agitsü

Kohima, Chiteni/July 22, 2022 (TYO): Bhagat Stadium, Rangapahar Military Station, Dimapur nung September 07 nungi September 23, 2022 anogotem tashi Nagaland indang District ajak atema tawa sangdongba Agnipath Scheme kübok Army Recruitment Rally agitsü, ta PRO (Def) Kohima sangdong ka ajanga Lt Col Sumit K Sharma-i metetdaktsü.

Iba recruitment dak sendakba nung  eligibility criteria aser QRs tejangjatem www.joinindianarmy.nic.in website nung angutsü. Candidates atema July 05, 2022 anogo nungi Online registration lapoktsüogo aser August 03, 2022 anogo tashi registration lapoktsür. Iba rally nung shilem agitsüpur ajaki online ajanga registration asütsüla.

Taküm recruitment atema sorkar ajanga küm ana relaxation’ agütsüogo. Candidate tem, shirnok Sorkari jangjateta aliba  ITIs nungi qualification ngua lir, iba scheme ajanga item candidate nem ‘bonus marks’ melatsü. Iba rally dak sendakba nung osang tejangjatem agüja aliba website nung angutsü, ta kasa sangdong ajanga ashi.