Agri-Expo area nung auyaba atema Dimapur Police-i nisung 5 apu

Dimapur, Yimpoksüi/November 15 (TYO): Agri-Expo area, Dimapur nung telok kati auyaba dak sendakba nung November 11, 2018 nü Dimapur police-i nisung pongu puogo, ta tanü Addl. Dy. Commissioner of Police/PRO, Dimapur-i sangdong ka ajanga metetdaktsü.
Police-i apuba nisung ponguji- (1) Mughato Swu (arishi küm 35), S/o Salumo, V/o Mishilimi, PO/PS- Pughoboto, P/A. Burma Camp United Colony, Dimapur (2) SS. Richard Achumi (30) Under Secy of NSCN (U), S/o Avito Achumi, V/o Alaphumi, PO/PS- Akuluto P/A. Burma Camp United Colony Dimapur (3) SS. Obeto K.Awomi (35) Under Secy (Home) of NSCN (U), S/o Khutoi Awomi, V/o Ustomi, PO/PS- Satalha, P/A. Thilixu Village Block- I, Dimapur (4) SS. Pusheto Aye (38) Major of NSCN(U), S/o Phuwoto Aye, V/o Vihokhu, PO/PS- Dhipupar, P/A. Mishikito, Dimapur aser (5) Bendangtoshi Lusangri (24) S/o Imtikumzuk Lusangri, V/o Changki, PO/PS- Mangkolemba, P/A. Burma Camp North Block ‘B’ Dimapur nunger lir, ta kasa sangdong nung shia lir.
Parnok inyakyimji JCB aser Dumper Trucks ama aliner customer den phone ajanga jembitsü, aser ajuruteptsü atema mapang den tesem jembir customer-i gari alitsü atema sen bener aruba mapang nung prangpong amer auyar.
Iba yimya nungji taküm August ita nung nisung ka dang nungi sen lakh 6 auya. Kasa telok jagi iba yimya nungji auyatsü sentong ka yangluba osang angazükba nung ajemdaker police-i parnok puogo, ta kasa sangdong nungsa shia lir.
Parnok ket nungi country-made .22 pistol ka den injang 6 (trok), sen aser gari ana apu; iba dak sendakba nung maneni bushisüngdangtsü atema IPC aser Arms Act kübok section tapet nung ajemdaker Diphupar Police Station Diampur nung ken o ka benokogo, ta ketdangserisa metetdaktsü.