Agri Expo nung ‘Memorial Monolith’ yangluba nokdanger

Dimapur, August 19 (TYO): Taküm January ita lungkak aitdang khasetba asür Avizo o asür Bendang na nüngtem nung yangluba ‘Memorial Monolith’ ka tanü Dimapur district administration-i agientsüogo.
Dimapur district administration-i July 25, 2017 nü Diphupar Village Council dang sorkar Department indang ali nung mapa kecha meinyaktsü tetuyuba ka agüja liasü.
August 17, 2017 nü Secretary to the Government of Nagaland, Rovilatuo Mor, IAS-i Principal Secretary & Commissioner dang sorkari Agri-Expo site nung Memorial Monolith yanglutsü memelatsü ta lemtetba osang metetdaktsü.
Paisa, Principal Secretary dang Dimapur Deputy Commissioner ajanga Diphupar Village Council Chairman dangi iba telemtetba osang yoktsü tetuyuba agütsü.
Tesem nung nüngshilung yanglutsü atema foundation tenzüka liasü aser ibaji tanü agienogo, ta osang ka ajanga metetdaktsü.