Agriculture Dept-i Y.M.Yolow nem tetushi agütsü

Kohima, March 09 (TYO): March 8, 2017 nü conference hall, Directorate of Agriculture, Kohima nung Agriculture department-i Agriculture Parliamentary Secretary, Y.M.Yolow nem tetushi agutsüba sentong ka ayongzüka liasü.
Iba sentong nung jembidang Parliamentary Secretary, Y.M. Yolow-i, aluyimba ya tongtibang lir, anungji ketdangsertem aser staff temi aluyimertem nem tajungtiba agi shisatsü agutsütsüla, ta ajungshi.
Paisa, Nagaland melenshitsü atema asenok samanirtem asütsüla aser tarutsü putu ajungkettsütsüla, ta ayongzük.
Paisa ketdangsertem aser staff tem dang takok angutsü atema amalitepa longjemer inyaktsü ayongzük.
Kasa sentong nung APC aser Commissioner & Secretary, Nagaland Government, T. Imkonglemba Ao, IAS-ia jembia liasü aser Joint Director Agriculture (Planning), G. Ikuto Zhimomi-i department indang maparen balala metetdaktsü.
Iba sentong ya Director of Agriculture, Helie Rupre-o leniba nung agi aser Additional Director of Agriculture, I Imtitemjen-i tepela anküp o jembia liasü.