AgustaWestland ken o nung Manmohan Singh dang asüngdangyatsü akok

New Delhi, December 11 (Agencies): AgustaWestland VVIP helicopter alitsü atema jembiba ochimashi ken o nung CBI-i taoba Ato kilonser, Manmohan Singh aser PMO nung taoba mapang ketdangsertem dang asüngdangyatsü akok, ta Deobarnü osang ka ajanga metetdaktsü.
Singh dak alia CBI-i taoba Ato kilonser indang principal secretary, TKA Nair aser taoba National security adviser, MK Narayanan na danga asüngdangyatsü akok, ta kasa osang ajanga ashi.
CBI-isa taoba mapang director Ranjit Sinha aser taoba special director Salim Ali na dang 2013 küm bushisüngdangba indang asüngdangtsüa akok.
Sen crore 3,600 jenjang AgustaWestland helicopters alitsü atema tezüngzüktep agitsü asoshi jembiba nung shilem agiba atema tai tonglokja anogo ishika tejaklen CBI-i taoba mapang Indian Air Force tongti, SP Tyagi puogo.
Tyagi den par kinünger Sanjiv (Julie Tyagi) aser lawyer Gautam Khaitan nata pua lir, ajisüaka parnoki aibelenba menangzüker.
Par asemprong December 14 nü tashi CBI ket nung ayutsü.